3 Бардыгы /

8–9-апрелинде Кыргыз Республикасынын Башкы прокуратурасынын  Юридикалык академиясында 2025–2030-жылдарга карата коррупцияга каршы аракеттенүү боюнча мамлекеттик стратегияны ишке ашыруу алкагында улуттук жана эл аралык эксперттердин катышуусунда эки күндүк ведомстволор аралык тренинг өткөрүлдү.

КРдин Башкы прокураиурасынын маалымат кызматы билдиргендей, окуу процесси Азия өнүктүрүү банкынын колдоосу менен өткөрүлүп, коррупцияга каршы саясатты ишке ашырууга жооптуу болгон мамлекеттик жана укук коргоо органдарына, мекемелерге жана уюмдарга усулдук жардам көрсөтүүгө багытталды.

Тренингде коррупцияга каршы мыйзамдарды өркүндөтүүнүн негизги принциптери, коррупцияны алдын алуунун натыйжалуу механизмдерин киргизүү жана ага каршы күрөшүүнү күчөтүү, коррупцияны алдын алуу боюнча мамлекеттик институтту өнүктүрүү, мамлекеттик башкаруу процессинде санариптештирүүнү жайылтуу, ишкердик субъекттерин коргоо жана инвестициялык климатты түзүү, ошондой эле бул багытта эл аралык кызматташтыкты өнүктүрүү маселелери каралды.

Бул тренинг коррупцияны алдын алуу багытындагы аракеттерди координациялоодо жана кесиптик потенциалды чыңдоодо маанилүү кадамдардын бири болуп эсептелинет.