6 Бардыгы /

ОШ ШААРЫНДА ЭСКИ БЕЙИТТИ ТАЗАЛАП, ИРЕТКЕ КЕЛТИРИШТИ

        Кыргызстандын Түштүк башкалаасынын чекесиндеги Хохлов көчөсүндө жайланышкан эң эски көрүстөндү тегиз отоо чөп басып, тегерегин таштады каптап, а түгүл таптакыр эле каралбай калган. Ошол себептүү маркумдардын күмбөзүнө кайдыгер эмес жарандар жана мекенчил ар кыл мекеме-уюмдар бул аймакты соңку сааттарда акыр-чикирден биротоло арылтып тазалап, айланасын заматта иретке келтиришти.

Эң кызыгы: аталган аймакты тазалап, андан ары көрктөндүрүп-жашылдандырууга Оштогу Орус /йүнүн жетекчиси  Дмитрий Николаевич АВРАМ кызматкерлери менен, «Светоч» орус чиркөөсүнүн директору, протоиерей Виктор РЕЙМГЕН окутуучулары жана окуучулары менен, «Наследие» аскердик патриоттук клубунун курсанттары, Архистратиг Михаил храмында чокунгандар дагы активдүү абдан катышышты. Айтмакчы, мындай иш-чаранын өткөрүлүшүн Ош шаарынын мэриясы жана Орусиянын Оштогу консулчулугу дагы кызуу кубатташып, демилгечилерге тиешелүү шарттарды жаратканга жарашты.

Ошентип, Ош шаарындагы Хохлов көчөсүндө жайланышкан эң эски көрүстөн тегиз тазаланып, андагы аллея дагы заманбап иретке келтирилди. Баардык күмбөздөр тегиз боелуп-сырдалып, толук акталды. Айрыкча сөөгү ушул жерге көмүлгөн Советтер Союзунун Баатыры Дмитрий Пичугиндин, аскер учкучтарынын жана башка Совет жоокерлеринин бейиттерине бул сапар өзгөчө гана көңүл бурулду.

        Баса, мындай кайрымдуулук акциялары маркумдарга урмат-сый иретинде гана жасалбастан, «Маркумдар даңкталмайын, Тирүүлөр баркталбайт!» деген принципти дагы бекем тутунуп өткөрүлдү.

Алишер ТОКСОНБАЕВ, өз кабарчы