21 Бардыгы /

Кыргызстандын Түштүк аймагындагы жана Ош шаарындагы 150гө жакын мектеп мугалимдери функционалдык сабаттуулукту жогорулатуунун ыкмалары, жаңы технологияларды жана заманбап усулдарды ыкчам колдонуу, иш берүүчүлөр менен өз ара кызматташуу, ошондой эле ЖРТга даярдоо ыкмаларын кенен-чонон талкуулашты. 

Ошентип, “Кыргыз тили жана адабиятын окутуудагы актуалдуу маселелер” аталышындагы иш-чара ОшМУнун филология жана маданияттар аралык коммуникация институтунда гана өткөрүлдү. Анда  белгилүү окумуштуулар жана тажрыйбалуу окутуучулар кыргыз тилин экинчи тил сыңары окутуу, эне тилин окутууда когнитивдик лингвистиканын принциптерин колдонуу боюнча кенен маалымат беришти. Ошондой эле инновациялык ыкмаларды ыкчам киргизүү, санариптик технологиялардын мүмкүнчүлүктөрү жана дагы баалоо системасы туурасында дагы өзүнчө сөз жүрдү. Мындан тышкары окуучуларды кыргыз тили, адабияты сабактарында жомок жана изотерапиялардын негизинде кол өнөрчүлүк аркылуу тарбиялоонун усулдары боюнча мастер класс көрсөтүлдү. 

“Кыргыз тили жана адабиятын окутуудагы актуалдуу маселелер” иш-чарасынын соңунда секциялык иштердин жыйынтыгы дагы чыгарылып, резолюция кабыл алынды. Анда кыргыз тили жана адабиятын окутуунун сапатын мындан ары жогорулатуу боюнча конкреттүү сунуштар айтылып, билим берүү тармагындагы мындан аркы кызматташтыктын маанилүүлүгүдагы  баса белгиленди. Ошондой эле мектептердин жана кесиптик лицейдин директорлору менен инститтутун ортосунда өз ара кызматтык келишимдерине дагы кол коюлду.

Алишер ТОКСОНБАЕВ, өз кабарчы