60 Бардыгы /

Ош облусуна караштуу Кара-Кулжа райоунун борборуна жаңы долбоорго ылайык жергиликтүү тургундар жана дагы коноктор үчүн баардык талаптарга жооп берген үч кабаттуу маданий-коомдук борбор курулат. Бул жөнүндө Президенттин Ош облусундагы ыйгарым укуктуу өкүлү Элчибек Жантаев шардана кылды.

– Ал эми ошол эле борбордун айланасына райондун баардык айылдарына жүргүнчүлөрдү ташыган автобекет курулат, – деп кошумчалады Президенттин Ош облусундагы ыйгарым укуктуу өкүлү Элчибек Жантаев. – Мен долбоорлордун баштапкы үлгүсү менен жеринде тааныштым. А түгүл анын сапаттуу жана дагы өз убагында жүзөгө ашырылышы туурасында тиешелүү ишкана-мекемелердин жетекчилерине дагы милдет тактым.

Кара-Кулжа району – экс-президент Сооронбай Жээнбековдун кичи Мекени. Бул тоолуу аймакка жайы-кышы ата мекендик жана дагы чет өлкөлүк туристтер көп катташат. Анткени, аймактын ажайып жерлери арбын…

Алишер ТОКСОНБАЕВ, өз кабарчы