45 Бардыгы /

Бүгүн Ноокен районунда Улуу Ата Мекендик согуштагы Жеңиштин 80 жылдыгына арналган салтанаттык майрам белгиленди.

Майрамдык иш-чаранын биринчи бөлүгүндө Ноокен райондук мамлекеттик администрациясынын башчысы-аким Таалайбек Ишенбеков, Улуу Ата Мекендик согуштун жалгыз ардагери Масы айылынын 99 жаштагы тургуну Ормон Дадажанов, оруктун ардагери Бөбүй айылынын 104 жаштагы тургуну Анаркан Кулматова жана мекеме-ишканалардын жамааттары менен биргеликте “Өлбөс полк” жүрүшүнөн өтүшүп, Улуу Ата Мекендик согуштан кайтпай калган жоокерлердин эстелигине гүлчамбар коюшуп, курман болгондор эскерилди.

Майрамдык салттанаттын экинчи бөлүгүндө Ноокен районунун акими Таалайбек Иешенбеков жалпы катышуучуларды Улуу Жеңиштин 80 жылдыгы менен куттуктады.
-“Жалпыбыздын майрамыбыз кут болсун! Элибизде, өлкөбүздө тынчтык болсун. Баарыбыз тынчтык менен согушту айырмалоого жана ардагерлерибизге урматтоо менен таазим кылууга тийишпиз”,–деди аким.

Ошондой эле салтанаттуу жүрүш (парад) орун алып, келген конокторго театралдаштырылган көрүнүш, ыр, бийлер орун алып, майрамдык маанай тартууланды.