75 Бардыгы /

Быйыл бүтүрүүчүлөргө жеңилдик берүү максатында кызыл аттестат алуудагы “Алтын тамга” тестирлөөсү жоюлду. Бул тууралуу Агартуу министрлигинин мектептик, мектептен тышкаркы жана кошумча билим берүү башкармалыгынын жетектөөчү адиси Кылым Сыдыкназарова радиолордун бирине берген маегинде билдирди.

Кылым Сыдыкназарованын айтымында, буга чейин кызыл аттестатты аталган тестирлөөдөн өткөн гана бүтүрүүчү алчу. Эми 11 жыл ичинде чейректеринин баары 5 чыккан бардык бүтүрүүчү ала алат.

“Бул бүтүрүүчүлөр үчүн мамлекет тарабынан түзүлгөн абдан жакшы шарт болду. Себеби, 5ке окуп келген окуучуларыбыздын баары тестирлөөдө кулап, кызыл аттестат алгандардын саны аз болуп келген. Быйыл буйруса, кызыл аттестат алган бүтүрүүчүлөрүбүздүн саны көп болот”,- деди К.Сыдыкназарова.

Сыдыкназарова белгилегендей, «Алтын тамга» тести 2011-жылы 11-классты жалаң «5» деген баа менен аяктап, мыкты жыйынтык көрсөтүп келген окуучулардын билим деңгээлин баалоо үчүн уюштурулган.