15 Бардыгы /

25-августан тарта кыргыз-казак чек арасындагы «Каркыра-автожол» өткөрүү пункту суткалык иштөө режимине өттү. Бул тууралуу УКМКнын Чек ара кызматы билдирди.

Маалыматта мындай чечимдин кабыл алынышы казак лидеринин Бишкекке болгон расмий сапарынын алкагында ишке ашканы айтылат.

Чек ара өткөрүү жайынын тынымсыз иштөө режимине өткөндүгүнө арналган атайын иш-чара болуп, ага эки өлкөнүн чек ара кызматтарынын жетекчилери, канатташ айылдардын аксакалдары катышканы белгиленген.

«Кийинки жылы аталган өткөрүү бекетинин аймагында заманбап инфраструктура менен жабдылган объектилердин курулушу мерчемделүүдө», -деп айтылат билдирүүдө.

Белгилей кетсек, «Каркыра-автожол» өткөрүү пункту Ысык-Көл облусунун Түп районунда жайгашкан.