24 Бардыгы /

Бүгүн, 10-март күнү Базар-Коргон шаарынын Сайдулаев көчөсүндө “Муай Тай” спорттук клубунун ачылыш аземи болуп өттү. Бул тууралуу райондук мамлекеттик администрациядан билдиришти.

Салтанаттуу иш-чарага Базар-Коргон райондук мамлекеттик администрациясынын башчысынын орун басары А.С. Сансызбаева, Жалал-Абад облусунун дене тарбия жана спорт башкармалыгынын жетекчиси Н. Рустамов, спортчулар, ата-энелер, аксакалдар жана жергиликтүү бийлик өкүлдөрү катышты.

Учурда “Муай Тай” спорттук клубунда 150 бала машыгып жатат. Клуб жаш спортчуларды тарбиялап, алардын ден соолугун чыңдоого жана эл аралык деңгээлдеги мелдештерге даярдоого чоң салым кошот.

Белгилей кетсек, быйылкы жылдын 25-мартында Муай Тай боюнча дүйнөлүк чемпионат Анталия шаарында өтөт. Бул мелдешке Базар-Коргон районунан үч жаш спортчу катышууга жолдомо алды. Алардын машыктыруучусу — Жолчу Абдалов.