Жомоктор дүйнөсүндө жашаган балдар (фото)

19,589 Бардыгы /

Адам баласы өспүрүм кезинде 5-жаштан баштап 12-14 жашка чейин кыялкеч, оюнкаарак болуп, жомоктор дүйнөсүндө жашайт турбайбы?…
Мына ошол жаш наристенин дүйнөгө болгон кыялкеч оптимистик көз карашын калыптандырып жана алардын таза ички сезимдерин сактап калыш үчүн Жалал-Абад шаарындагы Раатбек Санатбаев атыдагы №9 жана Сатыбалды Давлетов атындагы №14 мектептерде 1-6 класстардын окуучуларынын ички маданий-руханий дүйнөсүн байытууда жана алардын ой жүгүртүү кыялдарын калыптандыруу боюнча окуу-тарбия иштери жакшы жолго коюлган.
Себеби, 2013-14 – окуу жылынын сентябрь айынан бери эки мектепте Куурчак ийримдери ачылып иштегенине быйыл күздө бир жыл толот.
Раатбек Санатбаев атыдагы №9 мектеп-гимназиясынын «Балапан» куурчак ийриминде 15 окуучу катышып, жаш артистерибиз жыл ичинде «Бугу менен Карышкыр» жана «Ишенчээк Аюу жана анын куу достору» аттуу 2 жомок-спекаклди сахнага чыгарып шаарыбыздагы 6-бала бакча-дагы бөбөктөргө жана 2 мектептин окуучуларына тартуулады.
Сатыбалды Давлетов атындагы №14 мектеп-лицейинин «Буратино» куурчак ийриминде 18 окуучу катышып, жаш артистерибиз жыл ичинде орус эл жомоктору «Түрп» жана «Мышык, Короз жана Түлкү» аттуу 2 жомок-спекаклди сахнага чыгарып шаарыбыздагы 2 мектептин окуучуларына тартуулады.
№9 мектеп-гимназиясынын «Балапан» куурчак ийриминин жаш артисттери жакында эле «Кайрымдуулук» акциясын уюштурушуп Сузак районунун Октябрь балдар жатак мектебине барышып өздөрүнүн жомокторун тартуулап, алар менен баарлашып, достошуп кайтышты. Интернаттын балдары, жетекчиси жаш артисттерге өз ыраазычылыктарын билдиришти жана мында ары чыгармачылык жаатында бирге иштешерин айтышты.

КРнын маданиятынын мыкты кызматкери, Жалал-Абад областына белгилүү режиссёр-сценарист Абдирашит Султанбаев жомоктор дүйнөсүндө жашаган балдарды актёрдук чеберчилике, жомок кейипкерлерин образдарын жаратууну, куурчактар менен кыймыл-аракеттерди жана куурчак-тарды жасоону үйрөтүп талбай эмгектенип кележатат.
Куурчак ийриминин декорация, реквизиттери, атрибуткалары жана куучактары Абдирашит Султанбаевдин өз колу менен жасалып, балдар үчүн өз акча каражаттын жумшаган.