2,280 Бардыгы /

Чүй облусунун Суусамыр жайлоосунда Талас, Бакай-Ата жана Манас райондорунан келишкен малчы-фермерлеринин салтка айланган майрамы өткөрүлдү. Бул тууралуу Turmush басылмасынын аймактык кабарчысы билдирди.

Балыкты конушунда ар жылы өтүүчү майрамды быйыл Манас районунун айыл өкмөттөрүнүн жайыт комитеттери уюштурду.
Жыйында Суусамырга чыккан айыл өкмөттөрүнүн жайыт комитеттери малчылардын жашоо жана эмгек шарттарын жакшыртуу боюнча жылдан жылга жакшы иштеп бараткандыгы белгиленип, алдыңкы малчыларга, фермерлерге, жайыт комитеттерине белек-бечкектер берилди.
Малчылардын майрамы салтка айланган күрөш, тай жарыш, аламан байге жана улак тартыш менен улантылды.
Суусамырда жай мезгилинде болжол менен Манас, Талас, Бакай-Ата райондорунан 100 миңден ашуун кой-эчки, 6 миңге жакын жылкы, 3 миңден ашуун бодо мал семиртилет.

Булак: www.turmush.kg