2,590 Бардыгы /

Ош шаардык ички иштер башкармалыгынын кылмыш иликтөө бөлүмүнүн кызматкерлери тарабынан 1964-жылы туулган Айнагүл жана 1965-жылы туулган Гүлбайра аттуу аялдар кармалышты, деп билдирди Ош ШИИБнин басма сөз кызматы.
Маалыматка ылайык, алар ишенчээк адамдарга «июнь окуясында жабыр тарткандарга салынган үйдөн батир алып беребиз» дешип, 1 миң доллардан 4 миң долларга чейин алып жүрүшкөндүгү аныкталды.
Тагыраак айтканда, жаңы курулуп жаткан үйлөрдүн бирине алып барышып, бир батирди көрсөтүп, «ушул батир сеники болот» деп алдашып, акчаларын алышкан. Ал тургай бүткөн үйдүн бирөөсүн бир айга ижарага алышып, ал үйгө акчасын алган бир үй-бүлөнү киргизип коюшкан. Ал эми ал үйдүн ээсине «үйдү сага өткөргөнгө керек болуп жатат» дешип 100 доллардан бир нече жолу алган. Ал тургай бир жабырлануучунун унаасын дагы алып коюшкандыгы ачыкка чыкты.
Учурда бул аялдар Кылмыш жаза процессуалдык кодексинин 94-беренесине ылайык Ош шаардык ички иштер башкармалыгынын убактылуу кармалуучу жайына киргизилди.

Ош шаардык ички иштер башкармасы бул аялдан жабыр тарткандар болсо кайрылууну суранат.

Сүрөттө Айнагүл менен Гүлбайра.

Булак – Turmush