973 Бардыгы /

Кыргыз Өкмөтү менен Кытай Өкмөтүнүн макулдашуусуна ылайык гранттык жардам берүү аркылуу Ветеринардык жана Фитосанитардык лабораторияларды куру жана заманбап жабдуулар менен камсыздоо каралган.

Макулдашуу долбоорунда лаборатория курууга Кытай Өкмөтү тарабынан жалпысынан 650 миллион Кытай юаны бөлүнөрү белгиленген. Булар аркылуу Ветеринардык жана Фитосанитардык лабораториялардын курулушу менен Эл аралык талаптарга ылайыкташтырылган айыл чарба продукциясын сертификациялоо көйгөйү чечилип, ата мекендик продукцияларды  экспорттоо дарамети дагы ого бетер жогорулайт. Ошондуктан, аталган лаборатория үчүн жер тилкесин ажыратуу маселеси жаралгандыктан, атайын мыйзам долбоору дагы иштелип чыккан.Аталган министрликте мындай лаборатория курууга жер тилкелери караштырылып, Чүй облусунун Сокулук районундагы Ак-Жол айылы (Раздольное), Нарын облусунун Ат-Башы айыл өкмөтүнө караштуу жер тилкелери тандалып алынган. Ошентип, булл жер тилкесин лаборатория үчүн трансформациялоого район жетекчилери жана жергиликтүү эл менен дагы сүйлөшүүлөр жүрүп, айыл өкмөттөрүнүн макулдугу алынган.

Мындай маалымат  Жогорку Кеңеште «Сугат айдоо жерлерин жарактуу жерлердин башка категорияларына жана түрлөрүнө которууга (трансформациялоого) мораторий киргизүү жөнүндө» мыйзамга өзгөртүү киргизүү тууралуу» Мыйзамдын долбоорун кароо маалында кең-кесири  айтылды.

 Алишер ТОКСОНБАЕВ, өз кабарчы