ЭАУДАГЫ СПАРТАКИАДА СОҢУНА ЧЫКТЫ

1,562 Бардыгы /

К.Ш. Токтомаматов атындагы Эл аралык университетте профессор-окутуучулар жана кызматкерлер арасындагы спартакиада ийгиликтүү соңуна чыкты.

Үстүбүздөгү жылдын 18-январында К.Ш. Токтомаматов атындагы Эл аралык университеттин (ЭАУ) профессор-окутуучулар курамы жана кызматкерлери арасында өткөрүлгөн спартакиада ийгиликтүү аяктады. Спартакиадага окуу жайдын структуралык бөлүмдөрүнөн 5 команда катышып, волейбол, баскетбол, стол тенниси, чатыраш, комбинацияланган эстафета, гиря көтөрүү, бильярд, аркан тартышуу боюнча мелдештер абдан кызуу өттү. Оюнчулар да, күйөрмандар да спорт залдан чыкпай, эч бир оюнду өткөрбөй, спорт майрамын көңүлдөгүдөй өткөрүштү. Спартакиада оюндарында ЭАУнун агай-эжекелери спорттук оюндарда черин жазып, командалык оюндарда жамааттык ынтымагын чыңдашты.

Спартакиаданын соңунда жыйынтыктар чыгарылып, мыкты командалар, мыкты оюнчулар, мыкты күйөрмандар кубоктор, дипломдор, грамоталар, акчалай сыйлыктар менен сыйланышты. Сыйлыктарды берүүдө ЭАУнун ректорунун милдетин аткаруучу, э.и.к., профессор А.К. Кантөрөева спартакиада боюнча жакшы жыйынтыктарды чыгарып, сергек жашоо ыңгайына үгүттөп, оюндарга активдүү катышкан жетекчилерди, агай-эжекелерди жана кызматкерлерди өзгөчө белгилеп, мактоо сөздөрүн айтты. Бул жолку спартакиада да университет ачылгандан бери келе жаткан жакшы салттардын нугунда, майрамдык маанайда өткөндүгүн баса белгилейбиз!