Аймак

БАТКЕН ОБЛУСУНУН ЖЕТЕКЧИСИ ЖАКЫР ЖАШАГАНДАРГА КАРАЛАШТЫ

БАТКЕН ОБЛУСУНУН ЖЕТЕКЧИСИ ЖАКЫР ЖАШАГАНДАРГА КАРАЛАШТЫ

 1,685 Бардыгы /

 БАТКЕН. Кыргыз Өкмөтүнүн Баткен облусундагы ыйгарым укуктуу өкүлү Абиш Халмурзаев Кызыл-Кыя шаарындагы аз камсыз болгон адамдар байырлаган 25 батирлүү үйдүн тургундарынан кабар алып, аларга азык-түлүк жагынан каралашты.

            Ал эми жаңыдан батирлүү болушкан турак жай ээлери Баткен облусунун жетекчисине кабар алып келгендиги жана жүрөктү өңүгөн көйгөйүн ыкчам чечип бергендиги үчүн терең ыраазычылыктарын билдиришти. Жооп иретинде сүйлөгөн Абиш Халмурзаев жашоочуларды мындан ары ынтымактуу болууга үндөп, социалдык жактан аз камсыз болгон үй-бүлөлөр үчүн мамлекет бардык мүмкүнчүлүгүн караштырып, каржы булактарын таап, алардын жашоо-шартын мындан дагы жакшыртууга ар дайым көңүл бураарын убадалады.

            Белгилей кетчү жагдай: былтыр Араб мамлекеттеринин колдоосу аркасында Кызыл-Кыя шаарында аз камсыз болгон, мүмкүнчүлүгү чектелген, таптакыр турак жайы жок  25 үй-үлөгө турак жай курулуп, пайдаланууга тапшырылды. Араб мамлекеттеринин инвестициясы жана жергиликтүү бюджеттин эсебинен жалпысынан бул курулушка 32 миллион сом сарпталды.  Жергиликтүү бийликтин аз камсыз болгон үй-бүлөлөр үчүн турак жай куруп берүү тилегин Арабиянын Ас-Салам Кайрымдуулук фонду акыры жүзөгө ашырды.

 

 Алишер ТОКСОНБАЕВ, өз кабарчы

 

 

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17