5,958 Бардыгы /

Жалал-Абад шаарында кондитердик “Барбол” фирмасынын фирмалык дүкөнү ачылды.

Ага Вице-мэр Руслан Алтымышев, ЖИАнын аткаруучу директору Аззамбек Жээнбай уулу катышып, фирмага каалоо-тилектерин айтып, ишине ийгилик каалашты.

“Барбол” кондитердик фирмасынын аткаруучу директору Адилет Аринов фирмалык дүкөн боюнча төмөнкүлөрдү айтып кетти:

“Ош шаарында эң алдыңкы кондитердик фирма болуп алдыга чыктык. 7 фирмалык дүкөнүбүз бар. Башка региондорду дагы өзүбүздүн шириндиктер менен камсыз кылуу максатында бүгүн Жалал-Абад шаарында ачылуу аземин өткөрдүк. Буга чейин Жалал-Абадда маркеттерге таркатып, кызматташчубуз. Фирмалык дүкөндүн жакшы жери дайыма таза жана жаңы продукттар болот”- дейт.

Ачылуу аземге шаардын тургундары келип, лотереялык билеттер ойнотулду. Лотореялык билетте шириндиктер жана сертификаттар ойнолуп, фирманын кичинекей таңгактагы печеньелерин элге бекер таркатышты.

Эскерте кетсек, “Барбол” шириндиктери —  торт жана нан азыктарын өндүрүүгө багытталган  жергиликтүү Ата Мекендик өндүрүш компаниясы  2008-жылы, жеке ишкер Канатбек Акаев тарабынан негизделген. “Барбол” кондитердик фирмасы өзүнүн азыктары менен элдин оозуна алынып, 10 жылдык тарыхка ээ. 

Акылай КАРАБАЕВА, “Аймак”