1,835 Бардыгы /

ОШ. Алай  районунун борбору Гүлчө айылында жакын арада маршруттук каттамдар ишке киргизилет. Ага түшкөн мектеп окуучулары таптакыр жол акы төлөшпөйт. Бул туурасында Гүлчө айыл өкмөтүнүн башчысы Алтынбек Болбур уулу редакциябызга кабарлады.

            – Алыскы айылдардан Гүлчө кыштагынынын борборунда жайланышкан мектептерге күн сайын каттап окушкан окуучулар жана жергиликтүү тургундар үчүн атайын маршруттук каттам уюштурууну ылайык таптык. Ушул тапта төрт кичи автобусубуз бар. Айдоочуларга окуучулардын жол акысы Айыл Өкмөтү тарабынан төлөнөт. Ал эми калган тургундар милдеттүү түрдө он сомдон акы төлөшөт, – деп кошумчалады Алай районундагы Гүлчө айыл өкмөтүнүн башчысы Алтынбек Болбур уулу.

            Гүлчө айыл өкмөтүнүн башчысы Алтынбек Болбур уулу кошумчалагандай, маршруттук каттамдар 15-февралдан ишке киргизилет. Кичи автобустар саат 07.00дөн баштап кечки 20.00гө дейре жүргүнчүлөрдү үзгүлтүксүз тейлемекчи.

Алишер ТОКСОНБАЕВ, өз кабарчы