1,302 Бардыгы /

ОШ. Алай районунда жергиликтүү калктын малына тынымсыз кол салган үч карышкырды атып жок кылышты. Бул туурасында Биотүрдүүлүктү сактоо жана Өзгөчө корголуучу жаратылыш аймактары департаментинин Алай районундагы аңчы адиси Алымбек Айдаров маалымдады.

            – Биринчи Май айылында эки карышкырдын көзүн эптеп тазаладык эле. Эми минтип Жошолу айыл өкмөтүнө караштуу Кара-Токту айылын жойлогон жалгыз карышкырды дагы акыры жайладык, – деп кошумчалады Биотүрдүүлүктү сактоо жана Өзгөчө корголуучу жаратылыш аймактары департаментинин Алай районундагы аңчы адиси Алымбек Айдаров.

            Айтмакчы, быйылкы катуу сууктан улам карышкырлар айылдарга ылдыйлашып, а түгүл короолорго дагы кирип, анда юеймарал жуушаган малдарга капысынан кол салып жатышат. Ошондуктан, бул жырткычтарды аңдуу жана атуу жараяны акыркы кезде Алайда ыраса күчөтүлдү.

 Алишер ТОКСОНБАЕВ, өз кабарчы