1,141 Бардыгы /

         ОШ. Түштүк Корея агенттиги Ош облусунун он беш кыштагында жергиликтүү тургундардын жашоо-шартын ого бетер жакшыртуу максатында  бир катар долбоорлорду ырааттуу түрдө жүзөгө ашырат. Бул туурасында Кыргыз Өкмөтүнүн. Ош облусундагы ыйгармы укуктуу өкүлү Узарбек Жылкыбаевдин Түштүк Кореянын кызматташтык боюнча «KOICA» агенттигинин атайын делегациясы менен жолугушуу маалында айтылды.

         Маселен, Ош облусунун он беш-жыйырма кыштагында чакан жана орто ишканалар, цехтер курулуп, жергиликтүү тургандардын өздүк кирешесин ого бетер көбөйтүүгө шарттар жаратылат. Мындан тышкары ар түрдүү башка дагы обьектилер тикеленип, айрымдары заманбап ремонттолот. Ушунун бардыгы алты айдын жана үч жылдын аралыгында ыкчам бүткөрүлөт.

         Айтмакчы, ушул эле Түштүк Кореянын кызматташтык боюнча «KOICA» агенттиги быйыл Ноокат районунда жүндү кайра иштетүүчү мини-цех ачып, ал күн сайын майда жандыктардын 500 кило жүнүн кайрадан сапаттуу иштеткенге үлгүрүп жаткан чагы.

Алишер ТОКСОНБАЕВ, өз кабарчы