1,234 Бардыгы /

         ОШ. Өзгөн районунун Куршап кыштагындагы №62-кесиптик лицейдин жана Ноокат районунун Жаңы-Ноокат кыштагындагы №58-кесиптик лицейдин алкагында Электрондук китепкана жана «Токарь», «Куруучу» и «Автослесарь» адистерин белендөөчү окуу-өндүрүштүк цехтер ачылды.

         Айтмакчы, мындай окуу-өндүрүштүк цехтердин ачылышы Кыргызстандын Түштүк аймактарындагы башталгыч кесиптик билим берүү системасынын мындан ары ого бетер жакшырышын гана шарттап олтурат.

         – Бул цехтерде көп нерсени үйрөнүшкөн бүтүрүүчүлөр андан ары туруктуу жумуш менен дагы камсыз этилет. Окууларды мындай өңүттө уюштуруу өлкөбүздүн социалдык-экономикалык жактан бат бутуна турушуна жана аймактардын өнүгүшүнө дагы сыкты ыңгай жаратат, – дейт Кыргызстандын кесиптик билим берүү Агенттигинин Ош облусу боюнча куратору Нематкан Абжалиева.

         Айтмакчы, Өзгөн районунун Куршап кыштагындагы №62-кесиптик лицей жана Ноокат районунунун Жаңы-Ноокат кыштагындагы №58-кесиптик лицей БУУнун Өнүктүррүү Программасы менен 2016-жылдан бери үзгүлтүксүз иштешип келатат. Мунун натыйжасында аталган кесиптик лицейлер жетиштүү компьютерлер менен камсыз этилип, анын аркасында Электрондук китепканалар дагы түзүлүп, мугалимдер үчүн окуу-усулдук адабияттар опоңой табылды. Ошондой эле окуучулар үчүн дагы заманбап шарттар жаратылды. Ушунун бардыгына 144 миң үч доллар сарпталып, чыгымды бүтүндөй Орусиянын Өкмөтү каржылады.

Алишер ТОКСОНБАЕВ, өз кабарчы