1,319 Бардыгы /

ТАШКЕНТ. Ташкент шаарында Кыргызстандын  Өзбекстандагы Элчиси Ибрагим Жунусов Өзбекстандын учуулардын коопсуздугун көзөмөлдөө Мамлекеттик инспекциясынын башчысы Толиб Ульжаев менен жолугушту.

Тараптар жарандык аба жаатында эки тараптуу кызматташуунун учурдагы акыбалы жана Кыргызстан менен Өзбекстандын авиация кызматтарынын ортосундагы мындан аркы алаканын болочогу жөнүндөгү маселелерди кең-кесири талкуулашты.

Учурда Кыргызстандын курорттук-эс алуу мекемелеринин Өзбекстандын ишкана-мекемелери, алардын кызматкерлеринин эс алуусун Ысык-Көлдүн жээгинде жайланышкан пансионаттарда уюштуруп жаткандагы жигердүү кызматташтыгын жана туристтердин санынын улам көбөйүшүн эске алып, Кыргыз тарап Ташкент-Тамчы (Ысык-Көл) чартердик каттамдарын кайрадан баштоо боюнча сунушун киргизди. Мындан тышкары тараптар “Ош-Ташкент-Ош” багытындагы каттамдар туурасында дагы көйгөйдү көңүл сыртында калтырышкан жок.

Алишер ТОКСОНБАЕВ, өз кабарчы