2,349 Бардыгы /

Үстүбүздөгү жылдын 22-февралында К.Ш. Токтомаматов атындагы Эл аралык университеттин (ЭАУ) чоң жыйындар залында 23-февраль – Ата Мекенди коргоочулар күнү салтанаттуу түрдө белгиленди. Бул тууралуу аталган окуу жайдан билдиришти.

Айтылган салтанаттын алкагында ЭАУнун Эл аралык Кыргыз-Түрк лицейинин дирекциясы даярдаган майрамдык концерт сунушталды. Салтанаттын башталышында ЭАУнун ректору, э.и.д., профессор С.А. Өмүрзаков майрамдык куттуктоосун айтып, андан кийин ЭАУнун Эл аралык Кыргыз-Түрк лицейинин кенже класстарынын окуучулары салтанаттын катышуучуларын куттуктап, майрамдык ыр-бий номерлерин тартуулашты. Салтанатка катышкан профессор-окутуучулар курамы жана студенттер концерттик номерлерди мыкты аткарган кенжетайларга дүркүрөтүп кол чабышты. Жалпысынан майрамдык концерт көркөмдүк жана уюштуруучулук жагынан жогорку деңгээлде өткөрүлдү.

Ата Мекенди коргоочуларыбызды майрамы менен куттуктайбыз жана чың ден соолук, кажыбас кайрат, узак өмүр каалайбыз!

“Аймак”