1,439 Бардыгы /

24-март күнү Жалал-Абад шаарында 30 га чукул адам чогулуп, “Жоогазын ыңкылабын” эскеришти. Революциянын бир нече катышуучулары жана Өкмөттүн Жалал-Абад облусундагы ыйгарым укуктуу өкүлүнүн орун басары Ырысбек Ызабек ошондой эле, шаардын социалдык иштер боюнча вице-мэри Руслан Алтымышов катышты. Салтанаттуу эскерилип, сөз берилген жок, болгону окуяга арналган эстеликке гүл чамбарларды коюшуп, куран окутулду. Андан соң, жергиликтүү бийлик тарабынан уюштурулган сый-тамакка жөнөштү.

Эске сала кетсек, 2005-жылдын 24-марты тарыхта “Жоогазын ыңкылабы” деген ат белгиленген. Анда өлкөнү 15 жыл башкарган Аскар Акаев президенттиктен кулатылып, Орусияга качып чыгып кеткен. Элдердин толкундоолору алгач дал ушул Жалал-Абад областынан башталган. Ал эми 24- март 2012-жылга чейин кызыл дата менен белгиленип, эс алуу күнү болуп келген. Кийин Жогорку кеңештин токтому менен алынып салынган.

Роза АКМАТЖАН кызы, “Аймак”