2,715 Бардыгы /

ТАЛАС. Талас облусунун борборунда бул аймактка кызмат өтөп жатышкан Чекарачыларга заманбап үлгүдөгү батирлер тапшырылды. Бул салтанатка Жогорку Кеңештин төрагасы Дастанбек Жумабеков жана Башкы Штабдын жетекчиси, Кыргыз Чекара кызматынын төрагасынын орун басары Абдыкарим Алымбаев, Кыргыз Өкмөтүнүн Талас облусундагы ыйгарым укуктуу өкүлү Марат Мураталиев катышышты.

Талас шаарындагы 2029-Чекара бөлүгүнүн аймагына 24 батирлүү үй республикалык бюджеттин эсебинен курулду. Ага жалпысынан 46 миллион 760 миң сом коротулду. Муну үчүн автономдуу жылытуучу жай дагы өзүнө курулду. Мындан тышкары ар бир батир ысык жана муздук суу менен толук камсыз этилди. үйдүн алдына балдар үчүн аянтча дагы орнотулду.

Жогорку Кеңештин төрагасы Дастанбек Жумабеков жаңы конуш ээлерине бакыт гана тилеп, республика жетекчилиги Чекарачыларды мындан ары дагы туруктуу камкордукка алаарын бекем убадалады. Буга улай Талас облучтук Чекара башкармалыгына 100 миң сомдук сертификатты тапшырды.

–         Бүгүн биз Кыргыз Өкмөтү чекарачылардын социалдык жана турмуш-

тиричилик көйгөйлөрүн чечүүгө өзгөчө маани берип жаткандыгын байкадык. Акыркы жети жыл аралыгында Мамлекеттик Чекара кызматы тарабынан Бишкек, Ош, Баткен шаарларындагы Чекара кызматынын өкүлдөрү бүт дээрлик турак жай менен камсыз этилди. 2017-2018-жылдардын аралыгында Нарында, Лейлекте жана Абал-Букада биз үчүн жаңы үйлөр курулуп, тапшырылды. Мунун өзү Чекара коопсуздугун бекем жана туруктуу камсыз кылуубузга бизди милдеттендирет! – деди Башкы Штабдын жетекчиси, Кыргыз Чекара кызматынын төрагасынын орун басары Абдыкарим Алымбаев.

    Алишер ТОКСОНБАЕВ, өз кабарчы