1,407 Бардыгы /

 Баткен облусуна Орусиянын Челябинск облусунун Экономиканы өнүктүрүү министри Сергей Смольников менен аталган министрликтин тышкы экономикалык байланыштар  башкармалыгынын башчысы Дмитрий Глухарев иш сапары менен келишти. Атайын делегацияны Баткен районунун акими Кеңеш Салихов жана Баткен шаарынын мэри Мамыржан Рахимов, Сүлүктү шаарынын мэри Рахманберди Абдыназаров Баткен аэропортунан  тосуп алышты.

Орусиялык делегация адегенде Кыргыз Өкмөтүнүн Баткен облусундагы ыйгарым укуктуу өкүлүнүн биринчи орун басары Жылдызбек Исакулов баштаган жергиликтүү жетекчилер менен жолугушуп, Баткен-Челябинск облустары мындан ары кайсы өңүттө алакалашаары туурасында кең-кесири баарлашышты. Буга улай Баткен облусунун инвестициялык дарамети жөнүндө  дагы атайын тасма тартууланды.

–         Баткен агрардык аймак экендигин эске бекем тутуп, мыдан ары айыл чарба техникаларын чыгаруучу ишканаларды ачуу, айыл чарба продукцияларын Челябинск облусуна түз эле экспорттообагытында кызматташсак болчудай, – деди Челябинск облусунун Экономиканы өнүктүрүү  министри Сергей Смольников.

Анткени, Баткен облусунда өндүрүлгөн экологиялык жактан таптаза айылчарба продукцияларын ТүштүкУралга башка мамлекеттердин атынан барышы адилетсиз болуп келгендиги айтылып, муну үчүн аймакка ири логистикалык борборлорду куруунун үстүндө ишалып баруу зарылчылыгы баса белгиленди. Ошондой эле эки облустун ишкерлеринин ортосунда кызматташууну мындан ары жандантып, биргелешкен ишкердик жүргүзүүгө көмөктөшүү жагы дагы айтылды.

                   Орусиялык делегация андан ары Баткен районунун Кара-Бак айыл аймагындагы мөмө-жемишти жемиштикургатуучуАлтын-Аймак ишканасынын ишмердүүлүгү менен таанышып, аны менен кызматташуу мүмкүнчүлүктөрүн дагы сүйлөшүштү. Аталган ишкана негизинен өрүктү кайра иштетип, кургатып жана таңгактоо менен алектенет.

Белгилей кетчү жагдай: Баткенде жыл сайын 120 миң тоннакургатылбаган , 30 миң тонна кургатылган өрүк өндүрүлөт. Мындан тышкары Кадамжай районунун Кан айылындагы магнезит кени чыккан аймак бар. Бул жерде 180 миң тонна магнезит кенинин кору бар.

Алишер ТОКСОНБАЕВ, өз кабарчы