2,162 Бардыгы /

Аксы районунун Кербен шаарынын тургуну Алмаз Үсөнбаев бак чарбага ылайыктуу, короо участокторду айдоочу чакан тракторду жасап чыкты.

Бул тракторду сатып алууга куштарлар көбөйүп жатат.  Алмазбек Үсөнбаев Авлетим айылында төрөлүп өскөн, кичинесинен эле техникага кызыгып, машина,трактор айдаганды жакшы көрчү. Турмуш шартка байланыштуу кичине жерлерди да кымбат айдатуудан тажап өзүм жасап көрсөм деп аракет кылдым дейт Алмаз.

Алгач тектиктерди чогултуп, анан сокосун жасап, андан кийин чиркегичтерин жасап чыккан. Учурда бул чакан трактордун чиркегичи, сокосу, маласы бар. Тракторго болгон 50 мин сом каражат кеткен. Саатына 300 грамм солярка ичет. Он саатына 5 литр солярка кетет. Бул эң экономдуу трактор болду.  Келечекте чон тракторду жасоо планы бар. Азырынча бул тракторду сатпаймын, жанына чөп чапкыч, тарак тагып иштетүүгө ыңгайлаштырышым керек. Кыскасы жасап чыгарса болот экен дейт жаш инженер. Учурда буйрутма берип короо участокторун айдатып алууга сурангандар көп болуп жатат. Элге кызмат баарынан кымбат деген ушул.

Абдымомун Калбаев,