«Азаттыктын» өзбек кызматына арызданган кызматкерлердин катында, алар таңга чейин кардарлардын үйлөрүн кыдырып, карыз доолап жүрүшкөнү айтылат:

«Узсаноаткурилишбанктын» филиалынын жетекчиси Аваз Киличев ар бир айдын акырында бардык кызматкерлерди таң атканча иштетүүдө. 30-31-март дем алышка туш келгенине карабай, жумушта болдук. Банктан насыя алган кардарлар менен иштеп жатабыз. Эгер кардар насыяны төлөбөй жатса, биз анын үйүнө барганга милдеттүүбүз. Бизде да үй-бүлө, тиричилик бар. Аял кесиптештерибиздин күйөөлөрү алар үйгө түнөбөгөнү үчүн чыр сала башташты».

Кызматкерлер жетекчиликти Эмгек Кодексин сактоого чакырышууда.

«Узсаноаткурилишбанктын» Бухарадагы филиалынын жетекчилиги менен байланышууга мүмкүн болгон жок.