2,614 Бардыгы /

Быйыл Жалал-Абад областынын 42 участкасында коопсуз шаар долбоору ишке ашат. Бул тууралуу Өкмөттүн Жалал-Абад областындагы өкүлчүлүгүнүн аппаратынын кезектеги коллегиясында айтылды.

Жалпы эле инфраструктураны жакшыртуу багытында област аймагында ири иштерден, Маданият-Барпы жолун реаблитациялоодо курулуш иштерин ишке ашыруу аркылуу 67 километрдин 15 километрин асфальттоо, “Түндүк-Түштүк” альтернативдик жолун белгиленген графикте ишке ашыруу пландалган. Андан сырткары ички чарбалык жолдорго, көчөлөргө жалпы узундугу 23 километрден кем эмес асфальт төшөө каралган. Ошондой эле, атайын комиссия тарабынан аныкталган, “Бишкек-Ош” жолундагы 29 участкага, “Жалал-Абад-Казарман” жолундагы 4 участкага, Жалал-Абад шаарындагы 12 участкага коопсуз шаар долбоорун ишке ашыруу боюнча иш-план бекитилген.

Эске сала кетсек, коопсуз шаар долбоору Кыргызстанда үстүбүздөгү жылдын 12-февралынан тарта иштей баштаган. Анда жол боюна орнотулган камера, видео-байкоолор жол эрежесин бузуунун 12 түрүн жазып алат. Ал эми айып пул айдоочунун жашаган жерине Кыргыз почтасын аркылуу жөнөтүлөт.