824 Бардыгы /

Түркиянын Жогорку шайлоо комиссиясы оппозициячыл Элдик-демократиялык партиядан талапкер Стамбул мэрин шайлоодо жеңишке жетишкенин расмий түрдө тааныды. Бул тууралуу Anadolu агенттиги билдирди.

Президент Режеп Эрдогон башында турган Адилеттүүлүк жана өнүгүү партиясы 1994-жылдан бери алгачкы жолу өлкөнүн ири шаарында бийликти колдон алдырып жиберди.

Күн мурун башкаруучу партия шайлоо комиссиясына кайрылып, Стамбулдагы муниципалдык шайлоолордун жыйынтыгын жокко чыгарууга, кайра шайлоо өткөрүүгө арыз берген. Эрдогандын тарапкерлери мэрди шайлоо учурунда добуштар бурмаланганын белгилешкен.

Түркияда муниципалдык шайлоолор 31-мартта өттү. Добуш берүүгө 57 миллиондон көп киши катышкан. Стамбул мэрин шайлоодо Экрем Имамоглу башкаруучу партиянын талапкери Биналы Йылдырымдан бир нече миң добушка алдыга кеткен. Түркиянын борбору Анкарада оппозициядан талапкер Мансур Яваш шайлоочулардын 50 пайыздан ашыгынын добушун топтогон. Башкаруучу партиянын өкүлү Мехмет Озхасеки 47 пайыз добуш менен артта калган.

www.