1,538 Бардыгы /

Бүгүн, Жалал-Абад ОИИБнин ѳздүк курамы астында спортто ийгилик жараткан бир нече кызматкерлер алкышка ээ болушту. Себеби, 2019-жылдын 20-23-апрель күндѳрү Бишкек шаарында Кыргыз Республикасынын Өкмѳтүнѳ караштуу жаштар иштери, дене тарбия жана спорт боюнча мамлекеттик агенттигинин спорттун олимпиадалык түрлѳрү боюнча дирекциясы тарабынан “Тамекисиз спорт” урааны астында КРнын волейбол боюнча эркектер арасында чемпионаты ѳткѳрүлгүп, “Улуттук лига” командасы биринчи орунду ээлеген.

Улуттук лиганын курамында ойногон негизги оюнчулары Кыргыз Республикасынын ИИМдин “Шумкар” атайын багыттагы полкунун №3 батальонунун Жалал-Абад шаарындагы ѳзүнчѳ ротасынын кызматкерлери милициянын старшинасы Эркиналы уулу Теңирберди жана милициянын ага сержанты Абдраимов Турар I даражадагы диплом жана медаль менен сыйланышты. Ошондой эле Абдраимов Турарга “ Волейбол боюнча Кыргыз Республикасынын спорт чебери” – наамы ыйгарылды.

Ошондой эле, Кыргыз Республикасынын ИИМдин 2010-жылы апрель-июнь коогалаңында курман болгон кызматкерлердин жаркын элесине арналган самбо күрѳшү боюнча ИИМдин чемпионатында 68 кг. салмакта II орунга ээ болгондугу үчүн Жалал-Абад ОИИБнын КККнын ѳзүнчѳ ротасынын нѳѳмѳт бѳлүгүнүн нѳѳмѳткер-тескѳѳчүсү, милициянын старшинасы Уметов Алайбек II даражадагы диплом жана медаль менен сыйланды.

Жалал-Абад ОИИБдин басма сѳз кызматы.