Аймак

СУЗАКТА «МИЛИЦИЯНЫН КӨЧМӨ КАБЫЛДАМАСЫ» ӨЗ ИШИН ЖАНДАНДЫРДЫ

СУЗАКТА «МИЛИЦИЯНЫН КӨЧМӨ КАБЫЛДАМАСЫ» ӨЗ ИШИН ЖАНДАНДЫРДЫ

 976 Бардыгы /

Европадагы Коопсуздук жана Кызматташтык боюнча Уюму (ОБСЕ) тарабынан жүргүзүлгөн «Милициянын Көчмө Кабылдамасы» (ППМ) боюнча иш-чаралар жер-жерлердеги ШРИИБде уланууда.

Анын алкагында, атуулдарга жакындан жардам берүү жана арыз-доосун жеринде кабыл алып, маселесин чечүү максатында, Сузак РИИБнин кызматкерлери тарабынан «Милициянын Көчмө Кабылдамасынын» иши жандандырылган. Жыл башынан бери – 37 жолу алыскы аймактарга чыгуу уюштурулуп, жалпы – 75 атуул кабыл алынган болсо, алардын ичинен ар түрдүү маңызда – 42 (таза суу маселеси жана жолбун иттерди жок кылуу боюнча), коопсуздук багытында – 12 арыз-даттануулар кабыл алынып, кайрылган 31 жарандын маселесин жеринде чечүүгө жетишкен.

Сузак районунун Курманбек айыл ѳкмѳтүнүн жашоочусу Эшмамат Калмуратов ѳз сѳзүндѳ:

Милициянын ушул багыттагы кадамдары албетте эл менен болгон мамилесин бекемдейт жана элетте болгон кѳйгѳй маселени жеринде чечүүгѳ жардам беришип жатат. Биз кѳчмѳ кабылдаманын иштешин жана тереңдетилишин колдойбуз – деп, жергиликтүү тургундардын атынан ыраазычылыгын билдирди.

Кыргыз Республикасынын аймагында өздөрүнүн ишмердүүлүгүн көрсөтүп, укук коргоо жана башка көптөгөн тармакта жакындан жардам берип, эл менен милициянын ортосундагы мамилени чыңдоого Европадагы Коопсуздук жана Кызматташтык боюнча Уюму (ОБСЕ) өз салымын кошуп келе жатат.

Белгилей кетүүчү жагдай, аталган уюм тарабынан ар бир аймактын жер шартына жараша буга чейин атайын жабдылган автоунаалар берилип, күйүүчү майына чейин каржылап келишүүдө.

Жалал-Абад ОИИБнин басма сөз кызматы

 

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17