1,258 Бардыгы /

  БИШКЕК. Кыргыз Чекара кызматынын жыйырма жылдыгына арналган кол күрөшү боюнча укук коргоо жана күч органдары арасындагы Эл аралык турнир жыйынтыкталды. Бул мелдешке 108 спортчу, мунун ичинде 10 эл аралык класстагы чебер, 50 Кыргыз спортунун чебери жана 60 Кыргыз спортунун чеберлигине талапкер катышты.

            Аскердик мушташтын жүрүшүндө кол салуунун жана коргонуунун бардык түрлөрү көрсөтүлдү.

            – Кол күрөшү спорттун өтө катааал түрү. Ал аркылуу жоокерлер душман менен ар кандай кырдаалда күрөшүүгө дярдыгын гана тастыктайт. Мындан тышкары бул жоокердин кайратын жана мекенчилдигин дагы күчөтүп, жеңишти чукул арада камсыз кылууга шердентет! – деди Кыргызстандын мамлекеттик Чекара кызматынын төрагасы, полковник Уларбек Шаршеев.

            Мелдештин жыйынтыгында Кыргыз Чекара кызматынын командасы биринчиликти ээледи. Экинчи орунга Мамлекеттик Улуттук коопсуздук комитетинин Мамлекеттик кайтаруу кызматынын командасы татыды. А үчүнчү орунду Советтер Союзунун Баатыры, генерал-лейтенант Калыйнур үсөнбекова атындагы Аскер институтунун командасы ээлешти.

            Айтмакчы, аталган аскердик турнирдин тандоо турунун жеңүүчүлөрү 30-майда жана 2-июнда Орусиянын Санкт-Петербург шаарындагы Дүйнөлүк чемпионатка, а июлда Азия чемпионатына катышмакчы.

                        Алишер ТОКСОНБАЕВ, өз кабарчы