1,611 Бардыгы /

        ОШ. Өлкөбүздүн Түштүк башкалаасынын көркүн бузган көрнөк-жарнактар мындан ары заман талабына жараша ирээтке келтирилет.

            Бул туурасында кабарлаган Ош шаардык курулуш жана муниципалдык менчик бөлүмүнүн башчысы Алтынбек Пирматов буларды кошумчалады: – Ушул тапта курамына архитектура, мамэкотехинспекция, өзгөчө кырдаалдар мининистрлигинин адистери кирген жумушчу комиссия ишке батыл киришти. Адегенде шаарыбыздын көркүн бузган жана ар жерде чаржайыт илинген билборддор катарынан алынып жатат.

            Соңку тапта жумушчу комиссия мыйзамга таптакыр ылайыксыз 43 жарнак тактайчасын алып таштады. Ушундай аракет мындан дагы ого бетер күчөтүлмөкчү.

                        Алишер ТОКСОНБАЕВ, өз кабарчы