1,187 Бардыгы /

Батыш басылмалары 2017-жылы Австриянын ал кездеги канцлери Ханс-Кристиано Штрахе менен Ибицада жолугушуп, өзүн “орус олиграхынын жээнимин” деп тааныштырган кыздын тек жайын такташты.

Австриялык Die Kronen-Zeitung гезити билдиргендей, чындыгында ал кыз босниялык студент болгон. Штрахе менен видеого түшүү үчүн ага суткасына жети миң евро төлөнгөн. Кызга “орус олигархынын жээни” деген роль Штрахенин жеке жашоосундагы маалыматтардын негизинде тандалган.

Кыз менен вице-президенттин жолугушуусунда Австриядагы парламенттик шайлоону каржылоо маселелери тууралуу сөз болгон.

Видео эки апта мурун жарыяланган. Мындан соң Штрахе отставкага кеткен, Австрияда башкаруучу коалиция ураган, улуттук кеңеш болсо канцлер Себастьян Курцка ишенбөөчүлүк көрсөткөн.

Штрахе мыйзам бузбаганын билдирүүдө. Учурда анын “орус олигархынын жээни” менен жолугушуусун прокуратура текшерүүдө. Бул арада оппозиция жаңы парламенттик шайлоо өткөрүү ыктымалдуулугун талкуулоодо.

www.