1,536 Бардыгы /

            НУР-СУЛТАН. Кыргыз Республикасынын Президенти Сооронбай Жээнбеков Казакстан Республикасына иш сапарынын алкагында Казакстан Президенти Касым-Жомарт Токаев менен жолугушту.

Сүйлөшүү маалында эки тараптуу кызматташтык, мунун ичинде Евразиялык экономикалык биримдиктин алкагындагы актуалдуу маселелер дагы талкууланды. Мамлекет башчысы Кыргыз тарап стратегиялык кызматташтык, достук, биримдик, боордош өлкөлөр ортосундагы жылуу коңшулукту жогору баалап, Казакстан менен мамилелерди өнүктүрүүгө жана бекемдөөгө  артыкчылыктуу маани берээрин жашырган жок. Кыргызстан жана Казакстандын Өкмөттөрүнүн ортосундагы эки тараптуу экономикалык кызматташтык маселелери боюнча Жол картасы ишке ашырылууда. Сооронбай Жээнбеков Казакстан Президенти Касым-Жомарт Токаевди ал үчүн ыңгайлуу убагында Кыргызстанга расмий сапар менен келүүгө чакырды. Ошол эле учурда өлкөлөр ортосундагы мамилелер чыныгы достук мүнөзүнө ээ экендигин жашырган жок.

– Бизде өлклөр ортосундагы мамилелер жогорку артыкчылыктуу багыт экендигин тастыктаган көптөгөн жалпы институттар бар. Биз кызматташтыктын алкагында конкреттүү жыйынтыктарга жетүүгө дайым даярбыз! — деп баса белгиледи Казакстандын Президенти Касым-Жомарт Токаев.

                        Алишер ТОКСОНБАЕВ, өз кабарчы