1,689 Бардыгы /

НУР-СУЛТАН. Казакстан Республикасынын туңгуч Президенти Нурсултан Назарбаев ЕврАзия Экономикалык Биримдик жөнүндө Келишимге кол коюунун беш жылдыгынын урматына, ошондой эле Кыргызстан менен Казакстандын ортосундагы кызматташтыкты тереңдетүүгө жана кеңейтүүгө кошкон өзгөчө салымы үчүн Кыргыз Республикасынын Президенти Сооронбай Жээнбековду «Казакстан Республикасынын туңгуч Президенти — Элбашы Нурсултан Назарбаев» Ордени менен сыйлады.

Бул жолугушуу Президент Сооронбай Жээнбековдун Нур-Султан шаарындагы Жогорку ЕврАзия экономикалык Кеңешинин мааракелүү жыйынына катышуу үчүн иш сапарынын алкагында болду. Сооронбай Жээнбеков Нурсултан Назарбаевдин Кыргызстан жана Казакстандын ортосундагы бир туугандык мамилелерди орнотуп, бекемдөөгө кошкон жеке салымын белгиледи. Коңшу өлкөлөр ортосунда эки тараптуу гана эмес, эл аралык уюмдардын алкагында көп тараптуу кызматташтык жана өз ара аракеттенүү улам өнүгүүдө. Ал ошондой эле Нурсултан Назарбаевдин ЕврАзия интеграциясын түзүү жөнүндөгү демилгеси иш жүзүнө ийгиликүү  ашып жаткандыгын дагы баса белгиледи. Президент Сооронбай Жээнбеков Нурсултан Назарбаевге ийгиликтерди гана каалап, кошуна өлкөлөр ортосундагы эки тараптуу кызматташтыктын мындан ары дагы тереңдешине бекем ишенгендигин билдирди.

            Казакстандын туңгуч Президенти Нурсултан Назарбаев Кыргызстан менен мамилелерди өнүктүрүүнү дайым колдоп келгендигин жана колдой берээрин убадалады. Ошондой эле Президент Сооронбай Жээнбековдун алган багытын кубаттагандагын баса белгилеп, анын мындан аркы иштерине ийгиликтерди гана каалады.

                        Алишер ТОКСОНБАЕВ, өз кабарчы