1,032 Бардыгы /

            НУР-СУЛТАН. Президент Сооронбай Жээнбеков Казакстандын Нур-Султан шаарында жогорку ЕврАзия Экономикалык Кеңешинин (ЖЕЭК) кеңири курамдагы жыйынында сүйлөдү. Ал кийинки убакта бажы төлөмдөрүн жаап-жашыруу боюнча Кыргызстандын дарегине сын-пикирлер көбөйгөндүгүн жана «үч катар» бажы көзөмөлү тартибин киргизүүнү сунуш этти. Ошондой эле Жээнбеков Кыргызстан биримдиктин тышкы чек арасында бажы көзөмөлүнүн ачык-айкын жана калыс өткөрүлүшүнө  кызыкдардыгын дагы жашырган жок.

– ЕАЭБдин курамындагы өлклөрдүн жана ЕврАзия Экономикалык комиссиясынын өкүлдөрүнөн куралган кызыкчылыгы бар тараптардын катышуусу менен «үч катар» бажы көзөмөлүн өткрүүнү сунуш кылам. Биргелешкен көзөмөлдүн чыгарган жыйынтыктары жана чечимдери жалпы коомго ачык болушу керек! Мындай процедура бирөлкөнүн экинчи өлкөгө дооматын жокко чыгармак! – деди  Президент Сооронбай Жээнбеков  

            Ал мындан тышкары Биримдиктин курамындагы мамлекеттердин экономикаларынын ортосундагы чоңайырмачылык ЕврАзиядагы интеграциянын өнүгүшүнө терс таасирин тийгизиши ыктымалдыгын жагы кошумчалады. Ошондой эле комиссияга экономикалары чакан өлклөрдү колдоо жана өнүктүрүү боюнча ар кандай механизмдерди талдоо боюнча тапшырма берүүнү сунуш этти.

                        Алишер ТОКСОНБАЕВ, өз кабарчы