1,392 Бардыгы /

ЖАЛАЛ-АБАД. Кыргыз Республикасынын Президентинин “2019-жыл – Аймактарды өнүктүрү жана өлкөнү санариптештирүү жылы” деп жарыялоо жөнүндө Жарлыгын ишке ашыруунун алкагында Тышкы иштер министрлигинин Ош, Жалал-Абад жана Баткен облустарындагы Өкүлчүлүгүнүн кызматкерлери Жалал-Абад облусунун Чаткал, Ала-Бука, Аксы, Токтогул райондору жана Таш-Көмүр, Кара-Көл шаарларына сапарлашты.

Тышкы иштер министрлигининага дипломаттары райондук мамлекеттик акимчидиктердин кызматкерлери жана айыл өкмөт башчылары үчүн Кыргыз Республикасынын «Тышкы саясат чөйрөсүндө мамлекеттик органдардын өз ара аракеттенүүсү жөнүндө», «Мамлекеттик протокол жөнүндө» жана «Эл аралык келишимдер жөнүндө» мыйзамдарынын негизги жоболору туцурасында окуу-семинар өткөрүштү.

Ошондой эле райондун жетекчилери менен жолугушууда аймактарга чет өлкөлөрдөнинвестиция жана туристтерди тартуу, айыл чарба продукциясын экспорттоо багытында Кыргызстандын чет өлкөлөрдөгү мекемелеринин дараметин колдонуу боюнча жергиликтүү бийликтердин Тышкы иштер министрлиги менен өз ара аракеттенүүсү жөнүндөгү маселелер дагы абдан катуу талкууланды. Ушундай эле иш-чара 2019-жылдын апрель айында Ош облусунун Чоң-Алай, Кара-Кулжа, Алай, Өзгөн, Ноокат, Карасуу жана Араван райондорунда өткөрүлгөн.

            МААЛЫМАТ ИРЕТИНДЕ: 2019-жылдын март айында Кыргызстандын Чет элдеги мекемелеринин жетекчилери менен жолугушуу маалында Кыргыз Республикасынын Президенти Сооронбай Жээнбеков тарабынан чет өлкөлөр менен аймактар аралык байланыштарды өнүктүрүү өнүктүрүү жана аймактарга инвестиция тартуу тапшырмасы катуу коюлган.

                        Алишер ТОКСОНБАЕВ, өз кабарчы