2,679 Бардыгы /

 ОШ. Кара-Кулжа-Алайкуу автожолу чекесинен тегизделип, шагыл төшөлүп, бара-бара кеңейтилип дагы жатат. Мындан тышкары Чалма-Буйга жолунда узундугу 12 метрлик көпүрөнүн курулушу дээрлик башталды. Бул туурасында №26-Жол тейлөө мекемесинин директору Бактыбек Аттокуров маалымдады.

– Райондун борорундагы Исманов, Ажибай жана Маткадыров атындагы көчөлөр дээрлик асфальтталды.  Эми Мырзаке-Кара-Кулжа-Алайкуу автожолдорунун чекелерине дагы моминтип жөө жүрүүчүлөр үчүн тротуралар салынат, – деп кошумчалады №26-Жол тейлөө мекемесинин директору Бактыбек Аттокуров.

Ал эми Ылай-Талаа-Сай автожолдоруна дагы асфальт төшөлөт. Мындан тышкары Күйөө-Таш-Коо-Чаты жолу дагы заманбап тегизделет.

                        Алишер ТОКСОНБАЕВ, өз кабарчы