2,936 Бардыгы /

№1- Т. Балтагулов атындагы жалпы билим берүүчү орто мектебинин 2009-жылкы токсондон ашык бүтүрүүчүлөрүнүн демилгеси менен мектептин жанындагы 1971-жылы курулган тепкичти  жана дарбаза толук жаңыланды.

Узундугу 45 метр, туурасы 5 метр  болгон тепкичти толук жаңылап, тепкичтин бир жак бетине жарыктандыруу, экинчи бетине белгилүү инсандардын сүрөттөрү, учкул сөздөрү менен коюлган.

Тепкичке кире бериштеги дарбаза да эскирип калгандыктан толук жаңыланып, сырдалды. Жалпысынан тепкич, дарбазага 500 миң сом өлчөмүндө каражат жумшалган. Ошол эле 10 жылдык бүтүрүүчүлөр 20 класска, 57 “AKFA” айнек койдуруп беришкен.

Анын 241 миң сомун Ала-Бука айыл өкмөту тарабынан каржыланып, жалпысынан  1 200 000миң сом жумшалган.

Жакындан көмөк көрсөткөндөргө Ала-Бука райондук админстрациянын Ардак Грамотасы, жана башкаларга Ала-Бука айыл өкмөтүнүн Ардак Грамотасы тапшырылып, мектеп жамаатынын атынан ыраазычылык билдирилди.

Нүргүл Мусабаева, Ала-Бука.