1,325 Бардыгы /

            АРАВАН. Араван районуна караштуу Тогуз-Булак айылында кыргызстандык чек арачылар чек аранын жанынан Өзбекстандан келген эки автоунааны табышкан.

            Маалыматка караганда, Кыргыз аскерлеринин “Токтогула!” деген буйругуна өзбекстандыктар таптакыр биш ийишкен эмес. Чек арачылар адегенде эскертүү иретинде асманга ок атышканы менен, автоунаалар токтобостон жүрүшүн улантышкан. Ошондо кыргызстандык жоокерлер жүрүп бараткан унаанын дөңгөлөгүнө атканда, мунун кеспетинен өзбекстандыктардын бири жеринде жарадар болгон.

            Ушуга байланыштуу Кыргызстандын Мамлекеттик чек ара кызматынын төрагасы Уларбек Шаршеев менен Өзбекстандын Мамлекеттик коопсуздук кызматынын Чек ара аскерлеринин командачысы Руслан Мирзаев жолугушуп, чек арада болгон ок атуу фактысын бетмаңдай талкуулашты. Алар адегенде окуя болгон жерге барып, ал жактагы абалды дагы жеринде көрүштү. Буга улай эле иликтөөнү  чогуу жүргүзүп, айыпкер адамдарды мыйзам чегинде жоопко тартууну абдан катуу макулдашышты.

Алишер ТОКСОНБАЕВ, өз кабарчыбыз