ГҮЛБҮНҮН БУЛАГЫ МЕНЕН КӨЧӨСҮ АЧЫЛДЫ

2,380 Бардыгы /

-Гүлбү Ороскул кызы кыргыз элине төбөсү көрүнүп калган ырчы кыздардын бири болчу. Шум ажал аны арабыздан эрте алып кетти. Бирок аны кичи мекенинде эли журту унутпай ысмын түбөлүккө калтырууну чечишти. Кененирээк аймактык кабарчыбыз баяндайт.

Гүлбү Ороскул кызы болгону кырк жашка эми толду эле. Белгилүү эстрада жана фолькулор ырчы, КТРКадагы «Кыз-жигит. Сармерден» көрсөтүүсүнүн алып баруучусу, «Достор» тобунун солисткасы болуп иштеп жаткан. Элибиздин таланттуу кызы катары таанылып, өз чыгармачылыгы менен эл урматтоосуна ээ болуп келе жаткан

Гүлбү таланттуу, адамкерчликтүү, кичи пейил, сымбаты да сөзү менен иши келишкен, иш дегенде ичкен ашын жерге койгон таланттуу кызды байкап, сармарденге алып баруучулукка сунуш кылып алып келдик эле, өмүр кыска экен, элибиз таланттуу кызынан ажырап калды дейт кесиптештери.

Гүлбү Ороскул кызы 1976 –жылы 1-ноябрда Аксы районунун Авлетим айылында жарык дүйнөгө келген. Мектепте ал мыкты окуп, коомдук иштерге активдүү катышып, райондук, областтык, республикалык кароо конкурсттарда жеништерге жетишип, өзүн таланттуу кыз катары көрсөтө алган. Гүлбүнүн айылынан көп таланттуу жаштар чыгышкан. Аккан арыктан суу агат дейт элибиз мына ушул Гүлбүнүн көчөсүнөн өтүп, булагынан суу ичкен жаштар дан дагы таланттар чыгарына ишенем дейт Кыргыз республика сынын Эмгек синирген артистти, төкмө акын Ысак Барпиев.

Авлетим айылдык кенешинин депутаттарынын чечими менен айылдын борбордук көчөлөрүнүн бирине Гүлбү Ороскул кызынын ысмы ыйгарылды. Ошол аймактан чыккан Гүлбү суу алып, суу ичип өскөн булакты да «Гүлбү -Кыз Булагы» деп атап анын ачылышы болду. Салтанатка Бишкек шаарынан элибиздин көрүнүнктүү инсандары, таланттары келип катышып Гүлбү тууралуу ойлорун айтып, ой бөлүшүштү.

Гүлбү Мураталы Күрөнкеев атындагы музыкалык окуу жайды жана Бүбүсара Бейшеналиева атындагы искусство институтун да ийгиликтүү аяктаган. Эки кыздын энеси болгон. Бүгүн апасы кайгыга батып турса да эли журтуна ыраазычылыгын билдирип рахматын айтты.

Салтанатта Жогорку Кенештин депутаты Алмазбек Эргешов, Аксы районунун акиминин орун басары Талантбек Эмилбек уулу сөз сүйлөшүп Гүлбүнүн кайталангыз талант экендигине токтолду. Гүлбүнүн ысымы берилген көчөнүн жана «Гүлбү-Кыз Булактын» ачылышына катышып, тасмасын кыргып берди. Бул ишке эли журту ыраазы.

Гүлбү Ороскул кызы «Балама», «Арзуу», «Булбулум», «Мажүрүм тал», «Агылам сага», «Менин өмүр жазым». «Эмне айып», «Ортомчу бизге Ысык –Көл» деген ырлар менен белгилүү болуп келген. 100дөн ашык ырларды ийине жеткире аткарган. Гүлбү мыкты алып баруучу, мыкты аткаруучу, катары да эл урматтоосуна ээ болуп келген. Бул күнү ЖК депутаты Гүлбүнүн эстелигин Кербен шаарындагы эстеликтер аллеясына коюу демилгесин да көтөрдү. Мындай демилгеге жалпы эле салтнаттка катышып жаткандар ыраазы болуп, рахматын айтышты.