1,281 Бардыгы /

         БИШКЕК. Ички иштер министри Кашкарбек Жунушалиев Кытай Өкмөтү тартуулаган чоң жана чакан автобустарды, ошондой эле брондолгон милиция автоунааларын бир сыйра кароодон өткөрдү.

            Айтмакчы, үстүбүздөгү жылдын май айында Ички иштер министри Кашкарбек Жунушалиев жана Кытайдын мамлекеттик Кеңешинин мүчөсү, өлкөнүн коомдук коопсуздук министри Чжао Кэчжи эки тараптуу алаканын эң орчундуу жагдайларын орой-чарай талкуулашкан. Ошондон кийин эки өлкөнүн министрлери “Кыргыз Республикасынын Ички иштер министрлигине техникалык жардам иретинде жалпы суммасы 30 миллион Кытай юанына тете материалдык-техникалык жардам көрсөтүү” Протоколуна кол коюшкан.

            Ички иштер министри Кашкарбек Жунушалиев материалдык-техникалык жардам иретинде Кытай Өкмөтү тартуулаган чоң жана чакан автобустар, брондолгон милиция автоунаалары кылмыштуулук менен күрөшүүдө, ошондой эле Бишкекте өтчү Шанхай кызматташтыгы уюмуна мүчө өлкөлөрдүн саммитинин коопсуздугун толук кандуу камсыз этүүдө чоң көмөк көрсөтөөрүн жашырган жок.

                  Алишер ТОКСОНБАЕВ, өз кабарчы