Аймак

МИНИСТР БАЛДАРДЫН СОЦИАЛДЫК МЕКЕМЕЛЕРИН КЫДЫРДЫ

МИНИСТР БАЛДАРДЫН СОЦИАЛДЫК МЕКЕМЕЛЕРИН КЫДЫРДЫ

 1,683 Бардыгы /

            БИШКЕК. Кыргыз Республикасынын Тышкы иштер Министри Чыңгыз Айдарбеков балдардын Эл аралык коргоо күнүнө карата кайрымдуулук акциясын дагыле улантып,  Панфилов районуна караштуу К.Тилебалиев атындагы мектеп-интернатына баш бакты. Бул иш-чарага ошондой эле Кыргызстандагы дипломатиялык корпустун дуайени- Азербайжандын Кыргызстандагы  Элчиси Гидаят Оруджев, Чүй облусундагы Панфилов районунун жетекчилери дагы катышты.

Кыргыз Республикасынын Тышкы иштер Министри Чыңгыз Айдарбековадегенде К.Тилебалиев атындагы мектеп-интернаттынтурмуш-тиричилик шарттары менен жеринде таанышып, анын материалдык жактан камсыздалуусу, ошол эле мезгилде орчундуу көйгөйлөрү жөнүндө кеңири маалымат алды. Ал ошондой эле мектеп-интернаттын тарбиялануучуларына кайрылып, баардыгын Балдарды коргоо күнү менен чын ыкластан куттуктап, жаш муундун коомду жана мамлекетти куруудагы маанилүү ролун абдан баса белгиледи. Мындан тышкары өз өмүрүн мектеп-интернатка жана мекеменин ишмердүүлүгүнө арнашкан мугалимдерге дагы терең ыраазычылыгын жашырган жок. Андан ары Кыргыз Өкмөтүнүн мүчөсү 150 комплект мектеп формасын сатып алуу үчүн мектепке 225 000 миң сом суммасындагы белек сертификатын тапшырды. Мынча каражат Кыргызстанда аккредиттелген дипломатиялык корпустун демөөрчүлүк каражаттарынан чогултулган. Ал эми мектеп-интернаттын тарбиялануучулары жана окутуучу курамы Кыргыз Республикасынын Тышкы иштер министрлигине, ошондой эле дипкорпуска куттуктоолору жана алып келген белектери үчүн чоң ыракматын гана айтышты.

Ушул эле күнү Кыргыз Республикасынын Тышкы иштер Министри Чыңгыз Айдарбеков Бишкек шаарындагы балдарды жана үй-бүлөнү реабилитациялоонун Адистештирилген борборуна дагы кайрымдуулук сапарын жасады. Аталган борбордо түптөлгөндөн тартып төрт жашка чейинки жетим балдар жана  ата-энесинен кароосуз калган бөбөктөр тарбияланат.  Кайрымдуулук акциясынын жүрүшүндө 55 комплект балдар шейшебин сатып алуу үчүн борбордун жетекчилигине 69 000 сом суммасында белек сертификаты тапшырылды. Мынча каражат Кыргызстанда аккредиттелген дипломатиялык корпустун демөөрчүлүк каражаттарынан чогултулган.

Баса, үстүбүздөгү жылдын 21-мартында өткөрүлгөн Кыргызстандагы дипломатиялык кайрымдуулук жармаңкесинде 519 миң 860 сомчогултулду. Бул каражаттар Ысык-Ата районундагы “Радость ребенка” кайрымдуулук фондуна, жетим балдар үчүн К.Тилебалиев атындагы Панфилов мектеп-интернатына, дүлөй балдар үчүн Кара-Суу мектеп-интернатына, психикалык ден соолугу кечиккен балдар үчүн Төмөнкү-Чүй баштапкы атайын мектеп-интернатына жана Бишкек шаарындагы балдарды жана үй-бүлөнү реабилитациялоо Адистештирилген борборуна бөлүштүрүлүп берилди.

 

 

                       Алишер ТОКСОНБАЕВ, өз кабарчыбыз

 

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17