Аймак

ЖАШТАР «ЖАШТЫК» ЛАГЕРИН ИРЭЭТТЕШТИ

ЖАШТАР «ЖАШТЫК» ЛАГЕРИН ИРЭЭТТЕШТИ

 1,719 Бардыгы /

 

ОШ. Ош шаарынын мэри Таалайбек Сарыбашовдун демилгеси аркасында Ош шаардык жаштар комитети калаабыздагы окуу жайлардын студенттери менен биргеликте көптөн бери таптакыр каралбай калган «Жаштык» балдар лагерин акыр-чикирден арылтышып, чөптөрүн чаап, анан айлана-тегерегин кыдырата тазалашты.

                        Ош шаардык жаштар комитети мындан ары «Жаштык» балдар лагеринде ар жума сайын ишембилик өткөрүүнү пландаштырууда. Мындай иш-чарага ушундан ары студенттерден тышкары калаабыздагы бардык мекеме-ишканалардын кызматкерлери дагы активдүү тартылмакчы. Лагердин жалпы аянты 5,5 гектардан ашат.

                        Айтмакчы, мурда Ош шаарындагы жападан жалгыз «Жаштык» балдар лагерин сатууга сынак жарыяланганда, ал чоң жаңжал менен коштолгон. Шаардагы бир гана балдар эс алуу жайын сактап калуу максатында жалпыга маалымдоо каражаттары дагы үн кошуп, анын аркасында Түштүк башклаасынын Мэриясы аны ишкерлерге сатуу чечиминен акыры баш тарткан.

 

 

                       Алишер ТОКСОНБАЕВ, өз кабарчыбыз

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17