4,685 Бардыгы /

Бүгүн, 10-июнда Жалал-Абадда “Балдар оюндар кербени” аттуу  иш-чара болуп өттү.

Оюндун максаты балдар менен ата-энелердин ортосундагы мамилени улуттук оюндар аркылуу дагы да тереңдетип, улуттук элдердин спорттук оюндарын балдар арасында жайылтуу, өсүп келе жаткан муунга улуттук баалуулуктарды таанытуу болуп саналат.

Долбоордун алкагында 25 спорттун түрү боюнча оюндар ойнотулуп, иш-чаранын башында Кыргыз мамлекеттик М.Жангазиев атындагы куурчак театры “Керемет көч” аттуу мультфильминин каармандарынан алынган “Туулган күн” аттуу спектакли көрсөтүлдү.

Бул спектакль – балдар бакчадагы балдардан баштап 18-жашка чейинки баардык балдарга арналат. Спектаклде ар улуттуу балдардын достугу, алардын бири-бири менен тил табыша билгени, бири-биринин улутуна сый мамиле жасаганы көрсөтүлүп, бөбөктөрдү дүйнө элдери менен ынтымактуу болууга тил табыша билүүгө, тил үйрөнүүгө чакырат.

Соңку жылы “Балдар оюндар кербени” Кыргыз Республикасынын Президентинин колдоосу менен балдарга карата зомбулук менен күрөшүү үчүн “Тумар” улуттук кампаниянын алкагында өтөт.

Кыргыз Республикасындагы БУУнун Балдар фондусу (ЮНИСЕФ), Кыргыз Республикасынын Маданият, маалымат жана туризм министрлиги, Кыргыз Республикасынын Өкмөтүнө караштуу жаштар иштери, дене тарбия жана спорт боюнча мамлекеттик агенттиги менен биргеликте уюштуруп жаткан “Балдар оюндар кербени” Ош шаарында 6-июнда башталат. Кербен Ош, Жалал-Абад, Баткен, Чүй, Ысык-Көл, Нарын, Талас областарында 6-июлга чейин кыдырып, Кыргызстандын 20 шаарын камтыйт.

Акылай КАРАБАЕВА, “Аймак”