4,330 Бардыгы /

8-июнь күнү Чаткал районунда “Бир адамдан бир китеп” аттуу иш чара өткөрүлдү. Буга КР. Маданият маалымат жана туризм министринин орун басары Нуржигит Кадырбеков катышты.

Иш чара алгач район борборундагы Ч. Айтматов атындагы райондук маданият үйүндө болуп, анда китеп сүйүүчүлөр менен жолугушуу болду. Иш чаранын жүрүшүндө район акими Канжарбек Эшалиев, КР. Маданият маалымат жана туризм министринин орун басары Нуржигит Кадырбеков, Каныш-Кыя айылдык кеңешинин депутаты Айбек Кудайкулов, райондук китепканалык тармактын директору Райхан Момунова жана катышуучулар куттуктоо сөздөрүн сүйлөшүп, китептерден белекке беришти.

Ушундай эле иш чара Айгыр-Жал жана Жаңы-Базар айылдарында улантылып, иш чарасынын алкагында 2500 даанадан ашуун китеп жыйналып айылдык китепканаларга тапшырылды.