1,592 Бардыгы /

Өзбекстандын Тышкы иштер министрлиги Алматы облусунун Каскелен шаарындагы атайын жайда 20 өзбек жараны отурганын тастыктады.

Буга чейин социалдык түйүндөрдө кулчулукка кабылган өзбек мигранттары тууралуу кабар тараган.

23-июнда Алматыдагы Өзбекстан консулдугунун кызматкери социалдык түйүндөр аркылуу түшкөн кайрылууну текшерүү үчүн Жамбыл районунун Мыңбаев айлына барган. Дипломат Хорезм облусунан келген 20 өзбек жараны март айынан бери аймактагы кирпич заводдо иштегенин аныктаган. Заводдун кожоюну алардын паспортторун алып койгон, айлык акыларын да төлөгөн эмес. Буга байланыштуу мигранттар жергиликтүү укук коргоо органдарына кайрылышкан.

Чет өлкөлүк жумуш күчүн мыйзамсыз пайдаланганы үчүн завод ээсине кылмыш иши козголду, өзбек жарандары тергөө иштерин жүргүзүү үчүн атайын жайга жеткирилди.

Өзбекстандын Алматыдагы башкы консулдугу бул окуяны өз көзөмөлүнө алганын билдирди.

www.