1,713 Бардыгы /

ЖАЛАЛ-АБАД. Бүгүн 3-июль мамлекеттик жол кыймылынын коопсуздугун камсыздоо кызматынын 83 жылдык кесиптик майрамына карай майрам ээлерин Жалал-Абад ОИИБнин начальниги, милициянын полковниги Кылычбек Жолдошов куттуктап, аларга чың ден соолук каалады. Бул тууралуу Жалал-Абад ОИИБнин басма сөз кызматынан билдиришти.

Жол сакчыларынын кызматы түйшүктүү экенин айтып, аптаптуу ысык күндөрү, нөшөрлүү жаанга, аяздуу кышта өз милдеттерин так аткарып, жол кыймылынын коопсуздугун камсыздоодо зор салым кошуп жатышкандыктарын белгиледи. Жетекчиликтин алкышына арзып, кызматта өзгөчөлөнгөн бир катар кызматкерлерге ардак грамоталар тапшырылды.

Белгилей кетүүчү жагдай, ЖКККБнын Жалал-Абад областы боюнча бөлүмү тарабынан жүргүзүлгөн алдын алуу жана түшүндүрүү иштеринин натыйжасында 6 айдын жыйынтыгы менен өткөн жылга салыштырмалуу транспорт кырсыктары азайып, каза болгон атуулдардын саны кескин кыскарган. Мисалы:

– 18 жаштан жогору былтыр 57, быйыл 40.

– Жаш өспүрүмдөр былтыр 11, быйыл 4.

«Аймак»