2,988 Бардыгы /

Бүгүн, 8-июлда Жалал-Абад ОИИБнин имаратында кызматта өзгөчөлөнгөндөрдү сыйлоо аземи өттү. Өзүнүн кызматтык милдеттерин так аткарып, жоопкерчиликтүү мамиле кылгандыгы, кылмыштуулукка каршы күрөшүүдө, коомдук коопсуздукту сактоодо кошкон зор салымдары үчүн бир катар кызматкерлер медаль, алкыш, ардак грамоталар менен сыйланышты.

«Кылмыш иликтөө кызматына 100 жыл» юбилейлик медалы менен ИИМ тармагында көптөгөн жылдар эмгектенип, ардактуу эс алуудагы ардагерлер сыйланышты.

Ошондой эле, коомдук коопсуздукту сактоодо кошкон зор салымдары үчүн жана КРнын ИИМнин Милициянын кайгуул күзөт кызматынын полкунун түзүлгөндүгүнүн 40 жылдыгына карата бул тармактын кызматкерлеринин эмгектери ИИМ тарабынан бааланды.

Ал эми, КРнын ИИМнин Ардагерлер кеңешинин кезектеги отурумунун чечиминин негизинде бир катар милиция кызматкерлеринин түгөйлөрүнө «Офицердин жубайы» медалы тапшырылды. Медаль тапшырып жатып Жалал-Абад ОИИБнин начальниги, милициянын полковниги Кылычбек Жолдошов милициянын аялы болуш кыйын экенин, үй-бүлөдөгү алардын түйшүктөрүн баса белгилеп, офицерлерге өбөк болууга, алар жумуштан бошобой калган учурларда тууган-урук менен карым-катнашты үзбөй жакшыртууга чакырды.

Өз учурунда, төш белгиге ээ болгон офицерлердин жубайлары мындай сыйлыктарды алып, аларга карата ИИМ тарабынан көнүл бурулуп жатканына ыраазычылыктарын билдиришти.

Андан сырткары ден соолукка кам көргөн медицина кызматкерлеринин кесиптик майрам күнүнө карата да Жалал-Абад ОИИБнин бир катар ак халатчандары жетекчиликтин ардак грамоталарына арзышты.

Жалал-Абад ОИИБнин басма сөз кызматы