976 Бардыгы /

БИШКЕК. Кыргыз Республикасынын Президенти Сооронбай Жээнбековго үстүбүздөгү жылдын биринчи жарым жылдыгында (3-январдан 30-июнга чейин) жарандардан 8120 кайрылуу келип түштү.

            Булардын ичинде:

— Жазуу жүзүндө (электрондук) кайрылуулар — 6243;

— Коомдук кабылдамаларда кабыл алынган жарандар — 994;

— «Ишеним телефондору» жана кызматтык телефондору аркылуу кайрылган жарандар — 587;

— Коомдук кабылдамаларда маалыматтык-укуктук кеңештерди жана жардамдарды алган жарандар — 163;

— Биринчи радионун «Биринчи кабылдама» берүүсүнүн «Тз эфири» аркылуу кайрылган жарандар — 133 түздү.

Жазуу жүзүндө (электрондук) келген бардык 6243 кайрылуулардын 6130у Президенттин Аппаратына, ал эми калган 113 кайрылуу  Кыргыз Президентинин Ош шаарындагы Коомдук кабылдамасына келип түштү. Бардык 6243 кайрылуунун 4985и (же 79,8 пайызы) көзөмөлгө алынды. Булардын 4075и аткарылды (81,7 пайызы), 910 жарандын кайрылуулары (18,3 пайызы) мөөнөттөрүнө жараша дагыле аткарылууда. Натыйжада, көзөмөлгө алынып аткарылган кайрылуудан 140ы толук жана 161и жарым-жартылай канааттандырылган, 180 кайрылуудагы өтүнүчтөр четке кагылып, 3594 жаранга кайрылууларда көтөрүлгөн маселелери боюнча мыйзам чегинде түшүндүрмөлөр кошо берилди. Калган 1258 кайрылуу (20,2 пайызы) маселелеринин тиешелүүлүгүнө жараша тийиштүү мамлекеттик органдарга, Кыргыз Өкмөтүнүн облустардагы ыйгарым укуктуу Өкүлчүлүктөрүнө, райондук мамлекеттик администрацияларга, мамлекеттик жана өз алдынча башкаруу органдарына, сот жана укук коргоо органдарынын кароосуна жөнөтүлүп, жыйынтыктары боюнча жарандарга жооптор жана түшүндүрмөлөрдү берүү боюнча иштер жүргүзүлүүдө.

Ошентип, 6243 кайрылууларды аймактар боюнча бөлгөндө, эң көп арыз-даттануулар жана сын-сунуштар Бишкек шаарынын тургундарынан — 2427 (38,9 пайыз) келип түштү. Ал эми, Чүй облусунун жашоочуларынан — 989 (15,8 пайызы), Жалал-Абад облусунан — 788 (12,6 пайыз), Ош облусунан — 425 (6,8 пайыз), Ош шаарынан — 323 (5,2 пайыз), Ысык-Көл облусунан — 471 (7,5 пайыз), Баткен облусунан — 315 (5,0 пайыз), Нарын облусунан — 244 (3,9 пайыз), Талас облусунан — 123 (2,0 пайыз), КМШ жана башка өлкөлөрдөн—138 (2,2 пайыз) жарандын кайрылуулары катталды.

Көпчүлүк кайрылуулар сот жана укук коргоо органдары—сот, прокуратура, ички иштер органдары, каржы полициясы, улуттук коопсуздук органдары, жазаларды аткаруу кызматынин ишине тиешелүү маселелер боюнча келип түшкөн— 2732 кайрылуу же 43,7 пайызды түздү. Аткаруу бийлигинин компетенциясына тиешелүү маселелер боюнча—1687 кайрылуу келип түшкөн, же 27,7% түздү. Жергиликтүү бийлик органдарынын жана жергиликтүү өз алдынча башкаруу органдарынын иши менен байланышкан кайрылуулар — 788 кайрылуу же 12,6 пайыз. Президенттин ыйгарым укуктарына кирген маселелер — мамлекеттик сыйлыктар, жарандык берүү, мунапыс маселелери боюнча — 276, коргоо, чек ара, мамлекеттик жана улуттук коопсуздук жана тышкы саясат маселелери боюнча — 167 кайрылуу келип түшкөн.

            Жогорудагылардан тышкары Кыргыз Республикасынын Президентинин атына калоо-тилек, ыраазычылык каттар менен 30 жаран, белек-бечкек сурап 59 бала, Мамлекет башчысынын кол тамгасы менен сүрөтүн сурап 12 чет өлкөлүк жаран, жеке кабыл алуусун сурап 141, Президенттин Аппаратынын жетекчилигинин кабыл алуусун сурап 77 жаран кайрылган. Ал эми калган 274 жарандын кайрылууларында социалдык-экономикалык жана турмуштагы башка көйгөйлүү маселелер камтылган.

                        Алишер ТОКСОНБАЕВ, өз кабарчы